Azul – www.radiorek.info

.

LIVE



RadioReK (Radio Résistance/République Kabyle) d webradio n Tmurt n Yeqbayliyen. RadioReK d ṛṛadyu n tlelli n wawal, d ṛṛadyu n tegmat gar Yeqbayliyen, d ṛṛadyu ɣef umennuɣ n wegdud aqbayli, d ṛṛadyu n umennuɣ n wegdud aqbayli i tmunent-is, i tutlayt-is.
Di tallit-a i nettidir, agdud aqbayli, taqbaylit (Tutlayt d iseɣ) srant i wallalen-a atraren n umsawaḍ (webradio, webTV, applications) iwakken ad awḍen isallen d teɣṛi n Tmurt ar yal tama deg umaḍal. Iwakken ad awḍen isallen ɣef umennuɣ n Yeqbayliyen, ama di Tmurt ama di tamiwin nniḍen, iwakken ad nesseḥbiber ɣef TEQBAYLIT, iwakken ad nbeggen tikerkas d txiddas n icenga n weɣṛef aqbayli.
S leqdic d tayri n imeɣnasen/ineɣmasen-nneɣ, di Tmurt, di Fṛansa, di Canada, di yal tama, awal, mebla takmamt, mebla tiggdi, mebla akukru, ad yili ɣef tsertit, tadamsa, idles, amezruy, addal, tawennaṭ, aẓawan d wayen akk icudden ɣer yiman d tidmi iqbayliyen.
Ihi, akken i as-yeqqar Lwennas : « anda yella weqbayli, ad t-neqṣed, ad t-nesseḥḍer ».
Tarbaɛt n RadioReK.
www.radiorek.info
contact@radiorek.info